Categoría: Sin categoría

Onte estivemos en directo a través do noso Instagram (@afa_ferrol), por segunda vez, con Carla Saborido, educadora social.

O pasado 6 de xuño centrámonos nas adiccións a substancias, pero non podemos esquecer que tamén existen adiccións non químicas. Entre estas destacan o xogo patolóxico, as compras compulsivas ou o uso abusivo e descontrolado das redes sociais e internet.

Así pois, tendo en conta que vivimos nunha sociedade que cada día está máis informatizada, nesta ocasión abordamos o tema das adiccións ás redes sociais e outras plataformas de internet.

Falamos, dende unha perspectiva preventiva, de como evitar que os nosos/as fillos/as desenvolvan unha conduta adictiva. Para elo, sinalamos os distintos tipos de adicción a internet, enfatizamos a importancia de detectar os signos de risco, explicamos as causas e as consecuencias deste tipo de comportamentos desmedidos e destacamos a importancia de establecer normas educativas e outra serie de pautas que, como familiares, nos poden axudar a restrinxir o tempo de conexión.

Esta actividade, enmarcada dentro do noso Proxecto de Educación Familiar, foi posible grazas á subvención do IRPF da Xunta de Galicia.

Coma na anterior ocasión, convidámosvos a visualizar e a escoitar a grabación que está colgada no noso Instagram e a que fagades as preguntas e comentarios que consideredes!

Queremos lembrar que Reinvéntate, o noso programa dirixido a mulleres en situación de especial vulnerabilidade, continúa en pé ata o mes de agosto de 2024.

Nel traballamos de maneira integral, proporcionando apoio e orientación tanto no ámbito persoal, como familiar e laboral. 

As actuacións que se levan a cabo dentro de este programa están financiadas pola Xunta de Galicia (Consellería de Promoción do Emprego e Igualdade – Secretaría Xeral da Igualdade) e polo Programa FSE+ Galicia 2021-2027.

O pasado venres celebrouse o Día do Orgullo LGBTIQ+.

Os delitos de odio en contra das persoas pertencentes ao colectivo LGBTIQ+ continúan dándose arredor de todo o mundo.

A súa situación de vulnerabilidade increméntase cando se suman outros motivos (procedencia, orixe étnica, diversidade funcional, estatus socioeconómico, etc.) para exercer unha diferenza no trato cara elas, producíndose así unha dobre ou múltiple discriminación.

Dende AFA Ferrol, garantimos un espazo onde se valore, se respecte e se apoie o desenvolvemento de todo o mundo, independentemente da orientación sexual e da identidade de xénero.

É preciso seguir visibilizando as inxustizas que se cometen en contra de quenes non encaixan na cis-heteronormatividade!

Alcemos a voz pola defensa dos dereiros e da dignidade de todas as persoas!

Na tarde de onte, na Residencia Mixta de Maiores de Caranza tivo lugar a actuación da Coral Polifónica Eixil de Cedeira.

Queremos amosar os nosos agradecementos á Coral pola súa labor e o seu gran talento, e á Deputación da Coruña por facilitar, mediante a Rede Cultural, esta actuación.

Finalmente, grazas tamén á Residencia pola súa colaboración, así como tamén ás persoas traballadoras e voluntarias por asistir ao evento.

Hoxe, no noso Programa de Intervención Integral destinado á Comunidade Xitana de Narón, Natalia, unha persoa que está realizando as prácticas na nosa entidade, estivo falando coas usuarias sobre a súa experiencia no ámbito sanitario e da discapacidade.

Queremos agradecerlle que comparta con nós experiencias tan enriquecedoras, así como o seu interese e implicación no noso Programa.

O pasado xoves estivemos en directo coa educadora social Carla Saborido, quen forma parte do equipo de AFA Ferrol, para conversar sobre un tema sumamente importante e que involucra, fundamentalmente, aos/as máis xoves e ás súas familias: a prevención do consumo de drogas.

Nel abordamos as diferentes formas de consumo existentes, así como as substancias que están máis presentes durante esta etapa.

Esta actividade, enmarcada dentro do noso Proxecto de Educación Familiar, foi posible grazas á subvención do IRPF da Xunta de Galicia.

Convidámosvos a visualizar e escoitar a grabación que está colgada no noso Instagram (@afa_ferrol) e a que comentedes calquera dúbida que teñades!

Como cada ano, o pasado 5 de xuño, a Residencia Mixta de Maiores de Caranza gratificou ás persoas voluntarias que forman parte de dous dos nosos programas, “Acompáñame” e “Tempo de Lecer”, con unha celebración e unha merenda. Nós tamén tivemos o pracer de acompañalas! Ademais, despois disfrutamos dunha actuación musical que tamén organizou a Residencia para amenizar a tarde.

Agardamos poder continuar moitos anos máis con esta colaboración e seguir contribuindo á mellora do día a día das persoas residentes.

Moitísimas grazas á residencia, polo seu traballo e por contar co noso equipo!

Queremos agradecerlles tamén ás persoas residentes polo seu cariño e a súa amabilidade, xa que nos entregaron un agasallo elaborado por elas mesmas.

Finalmente, grazas ás persoas voluntarias! Sen a vosa labor e entusiasmo, isto non sería posible!

Faite socio ou socia e colabora para facer mellor a vida de moitas persoas.

Podes apoiarnos mediante diferentes tipos de doazóns!

 

Se estás interesado/a en asociarte ou en realizar algunha doazón, non dubides en contactar con nós. Podes facelo mediante o apartado de «colabora», chamando ao 981 35 80 23  ou a través das seguintes plataformas:

Instagram: @afa_ferrol

Facebook: Acción Familiar Ferrol

e-mail:  afaferrol@accionfamiliar.org

En AFA Ferrol estamos agardando que persoas coma ti, con ganas de vivir novos retos, comecen a formar parte da nosa labor. Invitámoste a coñecer os nosos programas de voluntariado e a que contactes co noso equipo no caso de que desexes colaborar nalgún deles.

Lembra que axudar aos demais non só cambia as súas vidas, senón que tamén transforma a túa!

Se estás interesado/a en participar nalgún dos anteriores programas, non dubides en contactar con nós. Podes facelo mediante o apartado de “colabora”, chamando ao 981 35 80 23 ou a través das seguintes plataformas:

Instagram: @afa_ferrol

Facebook: Acción Familiar Ferrol

e-mail:  afaferrol@accionfamiliar.org

 

Ao longo do ano 2023, en AFA Ferrol, realizáronse unha gran variedade de programas destinados a diferentes colectivos.

Queremos agradecer todo o apoio recibido durante o ano ao equipo de profesionais que se veu envolto na execución de cada proxecto, así como tamén ás persoas voluntarias e ás persoas socias. Ademais, queremos amosar os nosos agradecementos ás entidades colaboradoras, entre as que destacan a Xunta de Galicia, Deputación da Coruña, Concello de Narón, Concello de Ferrol e Fundación La Caixa. Sen a súa colaboración, non sería posible poñer en marcha estas iniciativas.

Covidámoste a ler este pequeno resumo da memoria de actividades do pasado ano!